Ua molia se alii i le maliu o se tagata e 52 tausaga le matua i se faalavelave i se paka i Melepone.
O le faalavelave na tupu i Fitzroy Garden i le ogatotonu o le aai o Melepone a o lei tāina le fitu i le taeao ananafi.
Na taumafai paramedics e togafiti le alii 52 tausaga na aafia peitai e lei mafai ona faasaoina lona ola.
E lē o iloa i le taimi nei poo ai si tagata lea ae o lē ua molia ua faailoa e le 9News e 36 tausaga le matua ma ua molia i le fasioti tagata.
O loo taofia nei i le vaaiga a leoleo ma e tulai i le asō i le faamasinoga.
O mau a nisi na faalogoina lea faalavelave na ta’ua ai sa faalogoina le vevesi mai o le paka ae lei umi ae maua loa le tagata ua faamanu’alia, ma sa faalogoina foi le e’e ane o le tagata i lea faaitu.
O loo faaauau suesuega i le mataupu lea.
