Maliu ao faanofoesea ile Crowne Plaza

E iai le tagata ua lipotia mai I le aso ua maliu ao faanofoesea ile faletalimalo ole Crowne Plaza I Aukilani ae e leai se sootaga o lona maliu ma le koviti.

Ose sooupu mai le MIQ le managed Isolation and Quarantine unit ua faailoa ai na valaau ane le taavale a le falemai I le faletalimalo poo le afa o le fitu I le po anapo ona o lea faalavelave. E le o iai nisi faamatalaga auiliili I le mafuaaga.

Ole Crowne Plaza leisi nofoagao loo faaaoga e faanofoesea ai tagata e ulufale mai I le atunuu mai atunuu I fafo.

E le o le taimi muamua lea ua valaau ane ai le fesoasoani faavavave I le nofoaga lea, taua I lipoti a le Stuff ole masina o Iulai tausaga talu ai na fetauaina ai le taumafai o se tasi tagata na malaga mai mai Brisbane e alu ese male nofoaga ma taua ai o ia ose tagata faigaluega a le faletalimalo.

Na pueina mulimuli ane e leoleo ma molia ai I le le usitaia o aiaiga tau faanofoesea male solia o le tulafono ole koviti 19. O loo faia suesuega I le maliu o si tagata sia I le vaiaso nei.

LAUILOA

Keep uptodate with Radio Samoa activity & promotion

* indicates required