E toatolu tagata pe ā ma le tai 70 ma ona tupu tausaga le matutua ua maliliu.
Ua lipotia e le 7News na lavea le taavale na malaga atu ai o le Rav 4, na lavea i Linkfield Rd i Bald Hills i Brisbane.
Fai mai e 78 tausaga o le avetaavale ma isi tina e toalua e 76 ma le 74 tausaga le matutua na lavevea ai i le faalavelave lea i le aso 5 o le masina nei ina ua tifa ese le latou taavale ma le alatele ma feto’ai ai ma se pa, ma manunu’a tigaina uma ai i latou e toatolu.
O loo tau faamautu e leoleo le mafuaaga o le faalavelave ae ua faailoa e lua aso talu ona mae’a le faalavelave ae maliu le tina e 74 tausaga ona o le tuga o manu’aga ae o le tamā faatoa maliu i le aso 20 o le masina nei ma le isi tina na maliu i le Aso Lua ananafi, o lona uiga ua maliliu uma lava i latou e toatolu.
O loo faia pea le tiute o leoleo i le tau faamautuina poo le ā tonu le mafuaaga na lavea ai le taavale.
Puna o Faamatalaga: https://7news.com.au/news/three-people-in-their-70s-die-in-weeks-after-their-rav4-crashed-in-bald-hills-brisbane-c-14422304
