O se Eseta faanoanoa o le a manatua pea e se tasi o aiga ona o mafatiaga ua feagai nei ma latou ina ua faaiu lē lelei ai le faamanatuina o le Eseta o lenei tausaga.
O si aiga lea mai Vitoria sa i se apartment i Surfers Paradise ae tupu ai se faalavelave ua maliliu ai ni tama se toalua a o taumafai atu e laveai se teineitiiti mai le vaitaele o le faletalimalo lea.
Ua faamaonia mai o i laua ua maliliu o le tamā o le teineititi 2 tausaga na pa’ū i le swimming pool, e 38 tausaga o sia tamā o Sunny Randhawah ma si ona tamā e 65 tausaga.
O le faalavelave ua ta’ua na pa’ū ai le teineititi i totonu o le vaitaele ma na muamua iai totonu lona tina e laveai le teineititi peitai e lē mafai ona aau.
Na mafai ona faasaoina uma mai i laua i se taimi mulimuli ane peitai fai mai le lipoti o Sunny ma si ona tamā e lei mafai ona toe agai ese mai ma le vai ma e ui i taumafaiga a le aufaigaluega a le taavale a le falemai e faasaoina i laua peitai na maliliu ai lava i lea nofoaga.
Na avatu le tina o le teineititi le falemai i le Gold Coast mo togafitiga ae o loo manuia le teineititi.
O loo agai atu le tele o faamaisega i sia aiga ona o mafatiaga ua feagai ai.
