O le avetaavale o loo fetauaina o le taavale lea na lavevea ai se tuagane ma se tuafafine ma maliliu ai lava i le faaiuga ole vaiaso o le a taofia pea i le falepuipui. O Johnson Kokozian 20 tausaga na lei mafai ona tatalaina i tua ina ua molia i le avetaavale matautia ma le avetaavale faatamala ua mafua ai le maliu faapea ma isi moliaga.
O Alina Kauffman 24 tausaga ua taua i le 9news na alu e piki lona tuagane e 15 tausaga o Ernesto mai le galuega i le tea le 9 i le po ae sosoa ai e se taavale uliuli o le Mercedes le la taavale ae toeititi lava oo i lo latou fale i Heckenberg.
O le itu e faanoanoa ai le toatele ua faalogo i lea tala ona o loo iai ni video ua aliae i luga o upega tafailagi o loo faailoa ane ai ni ata o le alii avetaavale ua molia o loo ataata mai ai ma tausami lana kFC ae ua maea lea ona tupu o le faalavelave. O ananafi na alu ane i lava o ia i leoleo ae o loo ia teena o ia na aveina le taavale. Fai mai o le taavale na aofia i le faalavelave e umia e le tama o Kokozian lea na ia lipotia i leoleo sa gaoia le taavale. Sa fofogaina i le faamasinoga e fai si le manuia ole lipoti avetaavale o le o loo tuuaia ae fai mai o loo tau sailia foi e leoleo isi pasese a le mercedes lea i le taimi na tupu ai le faalavelave.
Ua faaoo faamaisega i le aso ma faailoa moomooga alofa o tagata i le faaitu lea i nai talavou e toalua ua maliliu o si teine ma si ona tuagane ua aafia fua ae lei fai misa.
