E toaiva tagata maliliu, ae taofia le isi 78 i le falemai ona o le laumei na o latou taumafaina.
O le laumei o se tasi lea o ma’oi o tagata Zanzibar i le motu o Pemba i Tanzania i Aferika i Sasae, peitai o lea ua aafia ai soifua ma mama’i ona ua onanā.
O le toaiva ua maliliu, e toavalu o tamaiti ma le tagata matua e toatasi ma o le tagata matua o le tina o se tasi o le fanau o lea foi ua ma’umau ai le soifua.
Ua lipotia e le Associated Press, o lea ua uma suesuega na faia ma ua faamaonia ai o le laumei lea na latou taumafaina le pogai.
Ua lapatia ai nei ma tagata o lea motu i Aferika i Sasae e aua ne’i toe taumafaina se laumei.
E lē fou lea i Pemba, o lea foi na maliliu le isi toafitu i le masina o Novema i le 2021 ae taofia le isi toatolu i le falemai ona lea lava mea e tasi.
