Ua iai se maliega i le va o Lusia ma Ukraine ina ia taofia fetauiga ona o le faailogaina o le Eseta, le Orthodox Easter lea fai mai Vladimir Putin sa ia faatonuina ai ana fitafita ina ia taofia osofa’iga i vaega uma ae ia faaaloalogia le faai’uga o le vaiaso nei.
O le folasaga lea sa fai sa’o mai Moscow i le mae’a o le talosaga pea o Zelensky mo le taofia o vevesi ae sa lē amana’ia lava e le Kremlin.
Lea la ua faamauina lelei le taimi e amata ai lea maliega i le aso 11 o Aperila aga’i atu i le Aso Sa o lumana’i lea e faato’ā faailoga ai le Eseta i lea itu o le lalolagi.
Tusia i luga o upega tafa’ilagi se faamatalaga a Zelensky e mana’omia e tagata se Eseta e sa’oloto ma leai ni faamata’u, se Eseta o le filemu.
Puna o Faamatalaga: https://www.bbc.com/news/articles/cn0wkkwev2vo
