Ua polomisi le Microsoft o le a vave ona tali mai i faalavelave i luga o auala tetele. I lalo o se tasi o maliega ma le Auckland Transport, o lea ua suia uma nei aga’i i le Microsoft le faapolokalameina o faiga faatekonolosi a le pulega, ma o se faai’uga ua faia ai a o aga’i le Microsoft e fausia lana big cloud services data centre i Aukilani.
O se lipoti mai le Microsoft o loo ta’ua ai le manuia o mea uma o lea poloketi ma e tatala i le tausaga fou. O le talitonuga o le kamupani Amerika, o le faia ai o lana local centre o le a televave ai fesoota’iga o CCTV traffic cameras.
Mo le faaleleia lava o auaunaga a le Auckland Transport, o se maliega o le a aveesea ai foi ma isi tupe e moomia e faatau ai servers faaopoopo aemaise o isi lava tupe alu mo fesoota’iga tau tekonolosi.
Ua amata faia nei foi toleniga a le aufaigaluega a le Auckland Transport e le Microsoft.
