Ua talia lelei e le Pacific Islands Forum le faaiuga ua faia e Iapani e faatuai ai le lafoaina o le otaota faaniukilia i le vasa Pasefika.
O se mataupu na lipotia atu foi i talafou sa faatautaia ai se feiloaiga a sui o le Forum ma sui mai le malo o Iapani i le vaiaso nei.
Ua faalauiloa mai e le malo o Iapani o loo silasila nei i se isi fuafuaga fou e lafoai ai le otaota lea mai le nofoaga tau malosiaga le Fukushima Nuclear power plant.
O se mataupu sa matuai tele ai faaseā mai le lotoifale lava foi o Iapani mai le aufaifaiva, tagata e mataituina le saogalemu o le siosiomaga ma isi vaega o le malo o Saina, Korea i Saute ma Taiwan.
O le tele o faitioga e agai mai atumotu o le Pasefika ona o aafiaga o ia otaota pe a lafoaiina i le siomaga o le Pasefika.
