Ua faasā nei e le Maldives tagata talavou, o i latou na fananau i le mae’a o le aso 1 o Ianuari 2007, mai le tagofia o le tapaa ma ua avea ai lea atunuu o le atunuu muamua o le lalolagi ua faia se sā faapea e aofia ai le atunuu atoa ma lea augātupulaga.
O le matāgaluega a le soifua mālōlōina na faia lea folafolaga ma ta’ua ai ua solitulafono i latou ia e aofia i le tupulaga lea pe afai e maua o faaaogā, faatau mai pe faatau atu foi le tapaa i totonu o le atunuu.
Fai mai o lea sā ua atagia ma faamaonia ai le naunauta’iga o le atunuu ia puipuia ona tagata talavou mai aafiaga o le tapaa.
O le sā e aofia uma ai soo se ituaiga tapaa ma ua mana’omia ai le aufaatauoloa ia siaki tausaga o le aufaatau.
O le tausaga na te’a nei na faamauina ai e le Maldives e solitulafono le tagata na te aumaia i le atunuu, faatau ma umia sikaleti ma vapes e tusa lava poo le ā le matua o le soifua.
O tulisi foi e aga’i atu i le atunuu e tatau ona usita’ia lea tulafono.
Puna o Faamatalaga: https://www.bbc.com/news/articles/crex3154l8jo
