Search
Tanoa Ava - Radio Samoa

Mafolafola nisi mataupu o loo maanuminumi ai le faafofoga a Samoa i atunuu i fafo

O loo laualuga pea le mataupu i totonu o Samoa e ala lea i le vaa lea sa malaga atu i le motu o Tutuila ma le uta e agai atu i Upolu. 

Ua agiga foi i luga o upega tafailagi lenei mataupu o loo agai iai suesuega a le motu i Sasae ina ia maua lava le tonu autu poo ai o loo aifilofilo i totonu o lenei mataupu. 

Ae i le pitolaau lava latou a le malo i Samoa i Sisifo e ala i lenei mataupu, ua toe saunoa manino ai le afioga i le Minisita o galuega tetele a le malo ia Hon Olo Afoa Fiti Vaai i luga o le polokalame a le Tanoa Ava i le Aso Toonai ma ia faamalamalama atili ai le faagasologa o le faatinoina o galuega a malo e lua. 

I galuega faatino o malo e lua, ua faatuatuaina e le isi malo galuega a le isi malo pe a oo ina femalagaa’i ni vaa i le va o motu e lua, ae tatau foi ona feoai nei vaa ua iai pepa ua uma ona iai le kilia ma le faatagana e alu ese atu ai ma la uafu i totonu o se malo. 

O le toe tali a le Minisita i lenei mataupu ma faapea mai ai, sa uia e matagaluega taitasi a le malo le faatinoina o a latou galuega ina ua taunuu atu le vaa, sa oo foi i le matagaluega a le tiute sa fai foi le latou galuega. 

Ina ua mae’a uma nei galuega faatino sa tuuina atu loa e le ofisa o le Immigration a Samoa se pepa faataga e mafai ai e lenei vaa ona iai i totonu o Upolu, peitai ane na tāpā e le auvaa le Minisita ia Olo Afoa Fiti Vaai ma lana matagaluega, o le latou vaa e fia alu i Savaii e ave le uta o le latou faalavelave, ma sa tuuina atu iai e lea matagaluega a le malo le faatagana e alu ai i Savaii. 

Na taunuu le vaa i le uafu i Savaii i lalo o le faatagana a le Minisita ia Olo Fiti Vaai ma lana matagaluega ae o atu le ofisa o le Immigration ma taofi le vaa i luga o le uafu, ma o le vailiu lea ua saunoa iai le Minisita ia Hon Olo Afoa Fiti Vaai ua feteenai nei matagaluega a le malo i lenei mataupu, ua faataga e le isi matagaluega a le malo ae faasā e le isi matagaluega ona o tulafono nei o loo iai matagaluega taitasi. 

O le naunautaiga a le faigamalo o Samoa o loo tulai mai i le taimi nei o loo taumafai e toe teuteu lelei tulafono ma ave sao tulafono e patino lava i le matagaluega e gafa ma nei mataupu, aemaise lava le mataupu i le vaa lea e tatau lava ona faatino e le matagaluega o galuega tetele a malo auā o latou o loo gafa ma le vaaiga o uafu. 

Ua aogā foi le tulai mai o lenei mataupu e tatau ai ona toe faanofo lelei tulafono a le malo i se taotoga e tatau ona agai iai matagaluega taitasi. 

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required