Ua iai le fuafuaga a se vaega o tagata galulue mo le tusigaigoa o le a o latou aveina i le tulafono le pelogia o i latou.
O i latou nei e le o mananao e faailoa o latou tagata e tusa ma lipoti a le 1News, ma e le o malilie i tala na muamua fai mai e galulue full time ma e amata i le aso 23 o Ianuari seia oo i le aso 6 o Aperila mo le tusigaigoa a le atunuu o loo feoai ai pea nisi o le aufaigaluega i tua i le taimi nei.
Peitai e ui i feau tusitusia ma faamatalaga na tuuina atu i tagata nei, ae lē o le mea lea ua iai ma ua toe pisi ai nei e toe saili nisi galuega.
O loo lagolagoina foi e se tasi o team leader poo se tasi o taitai le mataupu ua laga mai e tagata nei e le o fiafia ma e faapea o le lē lelei o fesootaiga le mafuaaga.
Ae i se manatu mai le Statistics New Zealand lea e patino iai le tusigaigoa a le atunuu, e lua kamupani ua ia tuuina atu iai le faamoemoega e gafa ma tagata faigaluega, o le Mana Recruitment ma le PersolKelly ma o lea foi o le a vaavaai i faitioga nei.
Ae mai se tasi o ofisa loia e patino i galuega, e ono tele le avanoa e su ai e i latou e le o fiafia ona e foliga mai e piopio le faiga o konekarate ma itula faigaluega.
