O loo mafanafana lava le minisita o le vaega o faamaumauga poo le Statistics e ausia lava le 90% o le maualuga o tagata e tali mai i le tusigaigoa o lenei tausaga.
O Deborah Russell, faatoa tofia ai i le tofiga i le amataga o le tausaga nei na saunoa ai a o lei oo i le taimi e amata ai le tusigaigoa, e faamavae pe a le ausia le 90% o pepa faatumu o le tusigaigoa.
O lea e na o le 86% le maualuga ua oo iai, ma ina ua toe tuliloa e le Newshub ananafi, pau lana tali o loo taumafai malosi ia maua le 90%.
E oo mai i le taeao ananafi toeititi 4.5 miliona tagata ua uma ona faatumu pepa o le tusigaigoa.
O le asō le aso mulimuli o loo feoai ai le aufaigaluega i tua i le tele o nuu e ese ai nuu na aafia i lologa lea e faatoa tapunia i le faaiuga o le masina fou.
O le aso a taeao le avanoa mulimuli e faatumu ai fesili o le tusigaigoa e faia online a o lei tuuina mai le final notice.
