Ua mafai nei ona faailoa le suafa o lē o loo tuua’ia i le fasioti tagata paivalea o se tamaitai mai Ueligitone.
O Jason Tuitama 24 tausaga ua feagai ma moliaga i le maliu ai o le tamaitai o Casidhe Maguire, sa faigaluega i le matagaluega o le soifua maloloina, o se designer ma o se tina foi.
O loo tuua’ia, Tuitama, o se alii taalo lakapi i Johnsonville ma sa aofia i le ‘au a le Wellington Lions e pei ona lipotia e le Stuff.
Na tulai i le faamasinoga maualuga i Ueligitone i le vaiaso nei lea na faailoa ai e lana loia sa fuafua o le a faailoa se tali i moliaga i le isi aso e toe tulai ai i le faamasinoga.
Na faailoa e le faamasino o Justice Christine Grice o isi moliaga e aofia ai le avetaavale faatamala ua mafua ai le manu’a o se isi tagata, avetaavale a o faalēaogāina le laisene ma le lē tu o le taavale.
