Ua mae’a le fonotaga a minisita o fefaatauaiga a le lalolagi sa faataunuuina i Abu Dhabi sa sailia ai foi e atumotu o le Pasefika le taofia poo le faaitiitia o subsidies e totogi ia latou faigafaiva.
Ua lipotia e lei taliaina lea talosaga i le fonotaga ae na ta’ua e se sooupu mai le PANG poo le Pacific Network on Globalisation, e lelei le faaiuga ua iai ona e tele nisi vaega e manaomia ona faaleleia mo se maliega e faataunuu ai le polomisi o feutanaiga.
Na ia ta’ua foi e tele feutanaiga na faia i le Pasefika ma sa finau mo se iuga lelei.
O le taulaiga a Malo Aufaatasi poo le United Nations Sustainable Development Goal 14.6 ua valaau ai mo le faasāina o ituaiga subsidies e mafua ai le soona fagotaina o gataifale ae faamanatu o loo talafeagai le faiga o atunuu tauatiae.
