Na maua atu e leoleo se tagata ua maliu i le mae’a o le 10 itula o faataututu sa faia i se fale i Kuiniselani lea na fautuaina ai e leoleo tagata i lea faaitu e nonofo i o latou fale ma loka faitotoa.
O le ‘afa o le 7 i le taeao analeila na faalauiloa ai e leoleo na maua atu ai se tamā e 50 tausaga ua maliu i totonu o se fale i Kirwan e lata i Townsville.
Fai ma sa loka e lea tagata ia lava i totonu o le fale mai lava i le ta o le 8 i le po anapo ina ua agai atu iai leoleo.
Sa ia tafana ane taavale a leoleo ma isi taavale i nofoaga lalata ane ma faia ai loa le faaaliga a leoleo i lalo o le tulafono mo le puipuiga lautele ma faasā ai lea faaitu.
Sa iai leoleo faapitoa mo le faatalanoaina o tulaga faapea negotiators peitai la ua faailoa mai i le asō le iuga o le mataupu ua maua atu ai ua maliu lea tagata ma o loo faaauau suesuega.
