Maea finauga o mataupu i luma o le faamasinoga

O le aso Gafua o le vaiaso fou Aso 17 o Me i le itula e 3 i le afiafi lea o le a lauina ai le iuga o le mataupu lea na finauina i luma o le faamasinoga i le asō  e ala lea i le tagi a le Faatuatua i le Atua Samoa ua Tasi. O lenei tagi faasaga i le soli faavae ma le solitulafono o le Malelega a le Ao o le Malo ina ia faaleaogaina iuga o Palota a Samoa na faia i le Aso 9 o Aperila ae toe valaau leisi faigapalota.

O lenei faaiuga na autasi uma iai le afioga ia Faamasino Sili , Satiu Simativa Perese, le afioga ia Vui Clarence Nelson ae le gata i lea o le afioga i le tamaitai faamasino ia Tafaoimalo Leilani Tuala Warren ina ia iloilo uma faa finauga a vaega uma e lua na tuu atu i luma o le faamasinoga maualuga ona tuu mai ai lea o iuga i le vaiaso fou.

O le aso Gafua foi o le a lauina ai le iuga o le mataupu faasaga i le nofoa faaopoopo o Tamaitai o le Palemene pe faatulafonoina lenei faaiuga pe leai.

Na vaaia foi i lenei aso mai le taeao seia oo mai i le taimi na uma ai taualumaga o le faamasinoga maualuga le faatumulia o fafo ane o le fale faamasino i nisi o le mamalu o le atunuu na tapuaia tolaulauga o lenei mataupu.

LAUILOA

Keep uptodate with Radio Samoa activity & promotion

* indicates required