Manu Samoa Sevens
Photos: Manu Samoa Sevens FB

Maea filifilia pulu a le taitoafitu mo le vae i Toulouse i Farani i le masina fou

E ui e lei manuia taumafaiga a le au taitoafitu o le atunuu mo le ipu autū i taaloga na faia i Vancouver i le faaiuga o le vaiaso peitai na tulai mai Samoa i le tulaga 4 i lea taamilosaga ma o loo malosi pea le finau ma le taumafai a le au taitoafitu mo se ai o le atunuu. 

Credit : bsaveau FB page

O lea ua faailoa mai pulu poo pools o le a taaalo ai au taitoafitu uma mo le isi vae o loo sosoo nei i Toulouse i Farani.  

O lea ua tulai mai ai Samoa i le Pool D faatasi ai ma Aferika I Sauté, Sepania ma Aialani, o le taimi muamua lenei o le a pulu faatasi ai Samoa ma Aferika i Sauté ma Aialani  peitai o le faalua ai ii ona pulu faatasi ma Sepania. 

Ua ave ai foi le faamalo o nisi o taitai o le atunuu i taumafaiga a le au faapea le faiaoga ma le a Pulega o le au taitoafitu i vae e lua o le taamilosaga ua maea atu nei. Taua e Laauli i luga o upega tafailagi  

“O outou taumafaiga uma ua mae’a, ua fai ma vaimalu ma tala leo malie ia Samoa i le lalolagi atoa fa’apea Samoa nei, aemaise i le mafatiaga o le fa’ama’i o lo’o feagai ma si o tatou Atunu’u. 

O le tu’ualalo ma le fautuaga, taumafai atili. Stay focus. Ma aua le vave fa’agae’etia. Ia manatua pea e le sili le ta’i nai lo’o le tapuaiga a Samoa.” 

O le Aso 20-22 o le masina fou o Me 2022 o le a amatalia ai lea vae o le taamilosaga lakapi taitoafitu o le lalolagi le HSBC 7s i Farani. 

Scroll to Top

Keep uptodate with Radio Samoa activity & promotion

* indicates required