Ua mae’a aloaia nei le suesuega sa faatino e le vaega o le Tineimu ma Fesoasoani faavavave i le Loafer’s Lodge lea na mu i se taimi e lei mamao atu ma ua faailoa e se sooupu i le televise a Niu Sila o le faaiuga o le vaiaso talu ai na faamae’a uma ai vaega o le suesuega ma faamautu foi le nofoaga ina ua agai ese foi leoleo i le faaiuga o le vaiaso i luma atu.
E toalima na maliliu i lenei faalavelave ma le toeititi 100 o tagata ua leai ai ni mea e nonofo ai ina ua mu le nofoaga i le masina talu ai.
E toatasi se alii e 48 tausaga ua molia ai i moliaga e 5 o le fasioti tagata ma moliaga e lua o le susunu fale.
E lē o ta’ua i le lipoti pe ua toe faataga ane tagata sa aumau ai i le nofoaga e toe foi ane ae ua faailoa e le tineimu ua toe tuuina atu nei le fale i ē e umia lea nofoaga.
