Na fautuaina tagata i Melepone e ono faalogoina nisi lūlūuga talu ona mae’a faalogoina le mafui’e i le po anapo e 3.8 le malosi i le fua mafui’e ma sa faamauina i le itu i Matu i Sisifo o le faaitu o Sunbury poo le tea laititi o le ‘afa o le 11 i le po anapo.
O faamaumauga mai le Goscience Australia ua ta’ua ai e 3km le loloto o le mafui’e ma e toatele tagata ua faamaonia na o latou faalogoina lea lūlūuga ma sa faalogoina foi i Hobart i Tasmania.
O le mau a nisi e umi le mafui’e ma o loo lipotia foi o le mafui’e pito i malosi lea ua faamauina i lea faaitu talu le 120 tausaga.
E leai ni lipoti o ni mea o matuai faaleagaina ma leai foi se lapataiga o se tsunami i le po anapo ae o loo lapataia pea tagata ia mataala ma sauniuni i ni nai aftershocks o lea mafui’e.
