E 5.2 i le fua mafui’e le malosi o le mafuie na lulu i le itu i Sisifo o Porangahau i le lower North Island i le taeao analeila ae faalogoina ai foi ma isi luluuga poo aftershocks mulimuli ane.
Na lulu i le 3.18 i le vaveao ma ua lipotia pe ā ma le 10km lona malosi.
E silia ma le 5 afe tagata na molimau na o latou faalogoina le luluga lea ma sa faalogoina foi e nisi i Aukilani e pei ona faailoa e le televise tasi faapea foi i le alu agai i Saute i Kalaiesetete.
Faamanatu mai le Geonet ia manatua i taimi o mafui’e, Drop, Cover and Hold.
E lē o iai ni mea o lipotia o faaleagaina poo se soifua o aafia.
