E 4.8 le malosi o le mafuie ua lipotia mai na lulu i le Upper North Island ma faamauina i le itu i Saute o Te Aroha.
Fai mai lipoti e malosi le mafuie ma e 6 kilomita le loloto ma na lulu i le tea o le 2 i le vaveao analeila.
Fai mai sooupu a le Geonet sa manatu i nai tagata sa aafia i lologa ma sologaeleele i le vaiaso ua tuanai ae alafai mai i le taeao analeila i le faalogoina o le mafuie.
Fai mai sa faalogoina le mafuie i Aukilani, Waikato ma le Bay of Plenty.
Pe ā ma le 11,166 tagata na faamauina sa faalogoina le lulu a le mafuie mai ia faaitu, tāua e le Geonet na faalogoina foi isi luluuga laiti mulimuli ane i le tea o le 3 i le vaveao.
O le aso 4 o Ianuari na lulu ai se mafuie malosi atu i le faaitu lava lea e tasi e 5.1 le malosi i le fua mafuie. E le o iai se lipoti o ni mea o faaleagaina.
