E 5.9 i le fua mafuie le malosi o le mafuie na faalogoina i le North Island i le taeao analeila e pei ona faamaonia mai e le Geonet.
Na lūlū lata i Porangahau i le Hawkes Bay poo le tea laititi o le 10 i le taeao ma o lona loloto ua faamauina i le 22km.
E silia i le 20 afe tagata ua lipotia na o latou faalogoina le lūlūuga lea ae ua ta’ua foi pe ā ma le 3 minute mulimuli ane na faalogoina ai foi le isi lūlūuga o loo faamauina e 5.3 i le fua mafuie ma lona loloto e 15km.
Faamaonia mai e le Vaega o le puipuiga faalotoifale e le iai se lamatiaga mai se galulolo, tsunami i le mae’a o le mafuie.
Fai mai le molimau a nisi mai lea faaitu e malosi le mafuie ma sa iai nai mea na faaleagaina ae le o matuai tetele ni aafiaga.
