Ua sau i lalo cases o le Koviti na faamauina i le vaiaso talu ai.
Mai le Aso Gafua o le vaiaso ua tuanai atu seia oo mai i le Aso Sa 30 o Aperila, e 11,063 cases fou o le Koviti na lipotia i totonu o Niu Sila.
E oo mai foi i le po o le Aso Sa e 265 tagata o loo taofia i falemai ona o le Koviti e aofia ai ma le toavalu o loo i potu tigaina.
Ae ia i latou e toa 35 ua ma’umau soifua, o le toatele lava o tagata matutua i le va o le 60 ma le 90 tausaga.
I faamaumauga o tagata maliliu e fesootai ma le Koviti, e oo mai i le taimi na tuuina mai ai lipoti ananafi ua 2,762.
