Muamua atu i se lipoti aupito lata mai o le Koviti-19 i totonu o Niu Sila e pei ona faalauiloa mai ai foi se lipoti a le matagaluega o le soifua mālōlōina. O le 24 itula talu ai ua faamauina ai e 4,006 tagata ua faamaonia le aafia i le koronavairusi.
O le aofai o gasegase o le koviti o loo taofia i maota gasegase i le aso ananafi e 654 ua 48 ua sili ai nai lo le numera o le Aso Sa talu ai. E to’a 17 gasegase o loo i potu tigaina.
Ua lipotia foi e le matagaluega e to’a 13 tagata ua faamauina le maliliu e iai sootaga i le faama’i .O le Aso Sa lava ia sa faamauina ai se aofa’iga e 3,302 o tagata na aafia i le faama’i o lona uiga ua toe siitia le numera o tagata aafia i le aso ananafi.
