I le faagasologa o taaloga o le Ipu o le Lalolagi i le lakapi e pei ona faataunuu nei i Farani, e eseese foi lagona faaalia o le aumaimoa i le faaiuga o taaloga i le faaiuga o le vaiaso talu ai seia oo mai i le vaveao analeila.
O Aferika i Saute na lami ia Romania e 76-0, o Wales na malo ia Portugal i ‘ai e 28-8.
O Niu Sila na manumalo ia Namibia 71-3, o Aialani na faia’ina ai Tonga i ‘ai e 59-16 i se taaloga finau, Samoa na malo ia Chile i ‘ai e 43-10.
Na faatoilalo e Fiti Ausetalia i ‘ai e 22-15, o Egelani na malo ia Iapani i ‘ai e 34-12.
O lona uiga la o le isi faaiuga o le vaiaso o lumanai nei o le a fetaui ai Samoa ma Argentina, Georgia ma Portugal, Italia ma Uruguay, Farani ma Namibia, Egelani o le a fetaui ma Chile, Aferika i Saute ma Aialani, Wales ma Ausetalia, Sikotilani ma Tonga.
