Ua faamauina e 7,800 isi tagata i le atunuu ua faamaonia le aafia i le Koviti-19 i totonu o le 24 itula talu ai ma ua faailoa e le soifua maloloina e to’a 17 isi ua maumau soifua e iai sootaga i le koviti. O loo ta’ua o le to’a 13 o le itupa o tamaitai ma le to’afā o alii.
Ua faasolo atu i le 1,039 le aofai o tagata ua maliliu i le atunuu ae ua faamauina e 401 gasegase o le koviti o loo i falemai e aofia ai le to’a 14 i potu tigaina. I le amataga o le vaiaso nei na faamauina ai le pasia o le afe o tagata ua maliliu na aafia i le faama’i.
E 90 isi tagata ua faamaonia le aafia i le Koviti-19 na malaga mai i totonu o le atunuu.
