E 94 isi tagata ua aafia ile koviti 19 I le aso e pei ona faailoa mai e le faatonu o le Soifua Maloloina Dr Ashley Bloomfield. O le 87 o I latou ia e mai Aukilani ma le toafitu mai Waikato. O le aofaiga aupito i maualuga lea mo NIu Sila talu ona toe pepesi le faamai .
E 41 I latou e iai sootaga I e na aafia muamua ma le 53 o loo faatino nei iai suesuega. O le faamatalaga mai le palemia Jacinda Adern na faailoa ai ua matauina o le tele o cases fou ia o loo faamauina mai i se vaega o tagata e 39 tausaga agai I lalo, lea e aupito maualalo le aofai o tagata ua faia tui puipui.
E 38 gasegase o loo faataotolia I falemai, 8 i North Shore, 12 I Middlemore ma le 18 ile falemai I Aukilani. E toalima o loo taofia ile ICU. E oo mai ile aso ua atoa le 2099 o tagata ua aafia ile koviti 19 ile toe pepesi o le faamai e pei ona iai nei.
Mai le aofaiga o tagata aafia ile aso e pei ona faalauiloa e le Palemia ile feiloaiga ma tusitala ua faailoa ai ole 39.4 pasene oi latou ua aafia o tagata Maoli, 36.2 pasene o tagata Papalagi ma isi, 4.3 pasene o tagata Asia ma le 14.9 pasene mai le pasefika. Ua maitauina le faaitiitia o le aofai o tagata pasefika o loo aafia ile taimi nei ile faamai.
Mai faamaumauga a le upega tafailagi a le matagaluegao le soifua maloloina ua faamauina ai ole aofaiga atoa o tagata o loo aafia ile faamai ile taimi nei e toa 116 o loo i le aai, Counties manukau e 269 o loo faamauina ai, North Shore e 283, Waikato e 45 ma le toa 23 o loo I nofoaga faanofoesea.
