Ua uma ananafi e lei maua se tonu o sea a le Auckland Counil o loo i le malaevaalele i Aukilani, pe faatau pe leai.
E 7 itula o fono councillors ma felafolafoa’i manatu i lenei mataupu ma mai le pulenuu Wayne Brown e ono uma atu lenei vaiaso faasolo i le vaiaso fou o talanoa lava.
A o lei amatalia le fonotaga ananafi i le taeao, o lea na faamaonia mai o loo tālia ona palota councillors o loo iai a latou sea o loo inivesi i totonu o sea i le malaevaalele.
I lipoti o le fono ananafi e foliga mai ua iai le suiga i le finagalo o le pulenuu e ala i le toe teuteu o lona manaoga e faatau na o se vaega o sea ae le o sea uma, lea ua talanoaina ai le faatau o le 8.09% mai le 18.09%.
Afai ae taunuu le faatau o le 8.09% o le a sau ai le tusa ma le $1 piliona ma o le a totogi ai aitalafu.
O le itula e 10 i le taeao nei ua toe tolopo mai iai le fonotaga.
