Ua aumai le finagalo o le pule o le Tatiana Investments o loo faagaioia le falekalapu o le R.S.A. ma ua tautino le afioga Afoa Faleulu Mauli e leai se mea e taofi ai fua e le taitaifono ma le komiti o le ‘ava malosi, le laisene e faagaioi ai lana pisinisi.
Ua ia faailoa o le aiaiga e faailoa atu tulaga o le lisi o le fanua e talafeagai ae peitai o loo lelei le lisi o le fanua o le Matagaluega o Puna’oa Faalenatura ma le Siosiomaga o loo iai le falekalapu.
Ua faailoa foi e le alii pule o loo tatala pea le fale ona o le itu i Sisifo o le faleaiga restaurant and café o loo iai le laisene seia vagana le laisene o le falekalapu o loo taofia.
Na asia le nofoaga i le afiafipo o le Aso Lulu o le vaiaso nei, ma molimauina ai o loo tatala le itu i Sisifo o loo iai le fale’aiga ae ua faailoa e Afoa, e le o faatauina ai se ‘ava malosi.
Se finagalo o le afioga Afoa Faleulu Mauli, o le pule o le Tatiana Investment o loo faagaioia le falekalapu o le R.S.A.
Ua savalia nei le lua vaiaso talu ona tapunia le falekalapu ma ua faailoa e le alii pule e tele ni seleni ua lē maua ma ua gau ai le pisinisi.
Ua le mafai ona faailoa e Afoa pe fia se tupe ua gau talu ona tapuni le falekalapu.
