E oo mai i le taimi nei e le o iai lava se faamatalaga e faatatau i le pailate Niu Sila lea na lipotia na ave faamalosia i Indonesia.
Ua faamaonia mai e le Matagaluega o le va i fafo a Niu Sila ua maua mai lipoti o se faavesivesi i le po anapo ae e le o maua tonu mai ni faamatalaga auiliili.
Ua lipotia e le Jakarta Post o loo faia nei se suesuega fai faatasi a leoleo ma le militeli e tusa o le mataupu e ui e le o iai lava se lipoti mautu poo fea tonu o iai le alii pailate.
O le vaiaso nei na faamaona mai ai le faasaoina mai o nisi o tagata faigaluega faufale e toa 15 mai Indonesia lea sa fausiaina se nofoaga tau le soifua maoloina i Paro Village, o le vaega tonu lea sa ave faamalosia ai le alii pailate.
O Philip Mehrtens le alii pailate na ave faamalosia e le West Papua Liberation Army ina ua tulaueleele lana vaalele i le Papua Province i Indonesia.
