Ua tālia nei se faaiuga o le taotoga faapitoa e faamautu ai le mafuaaga tonu o le maliu o le tamaitai sa pulea le faletelevise o le TV3, ina ua mae’a suesuega a leoleo ua lē maua ni mau e faamaonia ai, e iai se gaioiga poo ni gaioiga solitulafono e fesootai i le maliu.
Na faailoa lea taunuuga o suesuega e le faauluuluga o le matagaluega o leoleo, falepuipui ma le ola toe fuataina, i le feiloaiga ma tusitala ma le aufaasalalau.
O loo tālia nei le fomai e faia taotoga faapitoa e saili ai le mafuaaga o le maliu, e pei ona faatonuina e le Pule o Maliu poo le Coroner.
Le faauluuluga o le matagaluega o leoleo, falepuipui ma le ola toe fuataina le afioga i le Komesina, susuga Auapaau Logoitino Filipo.
