Ua faamaonia mai e le Palemia, Christopher Luxon le moomia o nisi vaa fou e feoai i le sami i Cook Strait, poo le va o motu e lua, Matu ma Sasae o Niu Sila.
O upu ia a le alii Palemia a o toe tasi ai le vaa o loo fealua’i i le va o motu ona o lea ua tu le vaa a le Aratere mo galuega faalelei.
O le po o le Aso Faraile na faaletonu ai le Aratere ina ua lē mafai ona mimilo ma lē mafai ai ona faaauau ona ua ave agai i le itu papa’u o le sami.
Na ta’ua mai ananafi o lea na toe faaopeopea mai i le po o le Aso Toonai ina ua sua le tai ma e lē o iai ni lipoti a mea e telē se vaega o le tino o le vaa ua faaleagaina ai.
O lea ua totoe ai nei le vaa a le Kaitaki, a o faatali le kilia e toe fealuai ai le Aratere.
Ae i se saunoaga mai le Palemia o se taimi e lē o toe mamao, ona faailoa mai lea o se isi tala e faatatau i vaa fou o loo talanoaina nei.
Ae i feoa’iga i le va o motu, o le popolega ua iai o le aafia o malaga ua mae’a faatulaga aemaise ai o uta faamomoli, ma o le leaga ai o le Aratere ua iai nei, ua iloa ai ma le tau faasoa o feoa’iga ma felaua’iga o loo faaaogāina ai auaunaga nei.
Puna o Faamatalaga: http://Dire strait: Aratere grounding exposed our stretched ferry services (1news.co.nz)
