O lea ua manino mai o le a lē toe faapipiina ni kesi i fale fou e fausia i Vitoria pe a mae’a le aso muamua o Ianuari o le tausaga fou.
O le faaaliga lea ua faailoa i le asō mai lea setete ma sauni ai le minisita o malosiaga eletise ma alaga’oa, pe ā ma le 80 pasene o fale i Vitoria ua mae’a ona koneti iai kesi ma o le gaioiga o le a faia ina ia fesoasoani ai e faaitiitia le tau o le soifuaga aemaise foi o le fesoasoani i le faaitiitia o aafiaga o le tau.
E le gata i lea ae o le a faasaoina mai ai foi ma tupe a tagata mai pili o moli i tausaga taitasi.
O se tasi lenei o gaioiga sa lagolago malosi foi iai le vaega faaupufai a le Green.
