E tatau ona oo atu i le aso 22 o le masina o Me ua maua se isi loia a Malele Atofu Paulo poo King Faipopo, e tulai mo ia mo se folasaga e fua iai se faasalaga i le faamaonia o lona moliaga o le taupulepule e faaoo le maliu i lē sa avea ma Palemia, o se moliaga ua faamaonia faasaga ia Lema’i Faioso Sione na molia faatasi ma Malele.
E lua vaiaso ua tuu avanoa ai le faamasinoga ia Malele e saili ai se isi ana loia ae teena lana talosaga mo se 3 masina e tuu atu e faia ai lana sailiga.
O le talosaga a Lema’i Faioso Sione e faataatia le lauina o se faasalaga ae se’i suesue muamua lana talosaga apili ua lu’i ai le faaiuga a le laulau o faatonu na faamaonia ai lona moliaga, ua faatulaga e suesueina i le aso 30 o le masina nei.
O loo teena e le itu a leoleo lea talosaga.
