E le o iai se fuafuaga a le malo e faia se nofoaga faapitoa e faanofoesea ai tagata faigaluega faavaitaimi mai le Pasefika
O le ogatotonu o le masina fou lea o le a taunuu mai ai le tusa ma le 2000 tagata faigaluega e omai e piki, ma na fofola atu le talosaga e faaaoga ai se nofoaga faapitoa e faanofoesea ai I latou nei mai le Pasefika I Hastings, ma na lagolagoina foi e le DHB lea manatu, sau ai I tua ma le faamatalaga o le a toatele tagata Pasefika e mafai ona nonofo ai
O le isi vaega o lenei talosaga o loo taua ai, o tagata faigaluega faavaitaimi mai le Pasefika o le toatele o I latou e le o iai ni cases ua faamaonia mo le koviti ma o loo mafai ona nonofo faatasi I Hawkes Bay
Tali le minsiita o le immigration Kris Faafoi, e le o taliaina e le malo lea talosaga, ma e faigata tele ona vaai ma pulea nofoaga e faanofoesea ai tagata
I le taimi nei o nofoaga uma o loo faanofoesea ai tagata mai fafo o loo I lalo o vaavaaiga ma pulega a le malo
O lea ua sau le ioega mai le malo e faataga ai le 2000 tagata Pasefika e omai mo galuega faavaitaimi I NZ e ui o loo tapunia femalagaiga faavaomalo, ma o se tasi lenei o tuutuuga na tuuina mai, e tatau ona totogi e pulega o faatoaga o loo aumaia tagata faigaluega nofoaga e faanofoesea ai.
