Toa 4 I latou e le I mafai ona faimalaga mai I NZ, mafua I leai o ni pepa faamaonia o nofoaga e faanofoesea ai
O lea faatoa tolu I le aso, aso talu ona aloaia le faamalosia le tatau ona iai o se faamaoniga o le fale e taunuu mai I NZ sau faanofoesea ai, ma afai ae leai, o lona uiga e le mafai ona ulufale I le vaalele
Saunoa le sooupu o le vaega o loo vaaia nofoaga e faanofoesea ai tagata faimalaga mai fafo I tala a le herald, o se fuafuaga lenei a le malo ua faia mo le vaitaimi pisi o le tapena atu I le Kerisimasi, ona ua fai lava si saosaoa tele o le fuainumera o I latou nei mai fafo faatusa I ile utiuti o tagata faigaluega I le vaega o le soifua maloloina, leoleo faapea ai I latou o iai I isi auaunaga e feagai ma le vaaiga
O lea ua tumutumu uma faletalimalo ma isi fale o loo faaaogaina e le malo e faanofoesea ai tagata mai fafo seia oo I le aso 20 o Tesema
E le I faaamaonia mai e le sooupu poo lenei toa4 o se aiga ae poo fea foi le atunuu o loo poloka ai nei
O le suiga lenei na faailoa mai I le masina talu ai, ma na amata faaaoga mai ai lava I lalo o le piriota ua taua o le grace period O le aso Lua o le vaiaso nei lea na amata faamalosia ai
