O tagata i faaitu e pei o le Eastern Bay of Plenty ma lalata ane ua aafia foi i uiga loulouā o le tau aemaise lava le mamafa o timuga lea ua lolovaia ai foi auala ma mafua ai sologa eleele ma motusia ai le sootaga ma isi taulaga.
Fai mai se lipoti lata mai o pitonuu o Taneatua ma Ruatoki ua le o mafai ona toe agai iai i le auala ona o lologa ma o loo siisii pea le suavai.
Lipotia e nisi mai Whakatane le faalogoina o se pao leotele ane o maa mai le taeao analeia ma ua motusia foi uaea eletise ma toulu i luga o le alatele.
Ua iai lapataiga ua faamatuu ane ia tautuana ma soo se tagata le puipuia o le saogalemu ae o loo fautuaina foi lologa ona o le siitia o vaitafe pei o le Kaituna.
O le faatanoa foi le Matahina Dam o loo fautuaina foi ua ova i luga le vai ma ua tapunia foi le State Highway 2 i le va o Awakeri ma Kutarere.
Fai mai le vaaitau o loo faaauau pea lapataiga mo timuga mamafa i le faaitu lea ma fautuaina foi le atunuu i ni lologa e ono aafia ai ona o le tele o vaitafe ua siitia le tatafe.
O isi pitonuu o loo lapataia e aofia ai Northland, Tongariro National Park, Tasman ma Buller.
