Ua faamatuu ane i tagata Niu Sila o loo malaga i atunuu i fafo se lapataiga tau le saogalemu mai le gasegase poo le faamai o le dengue fever lea ua lipotia foi le toe pepesi i vaega o loo agai atu iai tafaoga.
Fai mai le Stuff e moni o loo pepesi le dengue fever i le tele o konetineta ao Peru lava lea e faifaitetele ai le pepesi fai mai ua oo i le 130 afe tagata aafia i le tausaga nei ma ua silia ma le 200 ua maliliu mai le faamai.
Ua faailoa la e le matagaluega o le va i fafo a Niu Sila faatasi ma le ofisa o fefaatauaiga ua unaia nei tagata malaga ia nofo silafia i faamatalaga ma le pepesi o le faamai.
Fautuaina le faaaoga o tulinamu, nofo sauniuni ma ia faaaoga nofoaga e iai screen wires.
Ta’ua i le lipoti o isi vaega o loo pepesi ai le dengue feve i le taimi nei e aofia ai South East Asia, Aferika ma Atumotu Pasefika.
