Ua iai lapataiga o le ono aafia o le toatele i le tale, ma o ni aafiaga ua ma’umau ai soifua o le toalua.
O le tala mai lea i tagata suesue faapitoa i le soifua maloloina ma o Aukilani i Saute lea e fai mai e ono aliae mai ai le tele o cases pe a fua i le maualalo o le pasene o tagata ua uma ona faia tui.
Mai le soifua maloloina o le tale ua faaigoaina o le whooping cough poo le tale vivini e malosi lona pepesi ma o ona aafiaga e aofia ai le tafe o le isu, fiva faapea aafiaga masani pe a maua i le fulū.
O le tausaga e 2017 na faamauina ai e silia ma le 1,300 tagata Niu Sila na maua ai ma o antibiotics poo fualaautui le fofo.
O fanauiti e maualuga le lamatia ma ua fautuaina ai le tāua o le faia o o latou tuipuipui.
