O soo se isi o le aumaimoa e faatino ni tulaga e faalavelavegia ai pe faamaina ai foi le alii taalo o Novak Djokovic i le taamilosaga o loo faagasolo nei le Australian Open o le a aveesea mai le nofoaga o taaloga ma e ono tuuina foi iai se faasalaga.
O le faamatalaga manino lea mai ia i latou o loo tuufaatasia le taamilosaga. Ua mafua ona faia ia faaiuga ona o nisi o le aumaimoa ua lipotia le faaalia o ni amioga le talafeagai mo le alii taalo a o faagasolo ai le taamilosaga.
Na taunuu Djokovic i le amataga o le vaiaso i Melepone mo le lona 10 ai lenei o Australian Open ua auai ai.
O le lapataiga la ua faailoa atu i le aumaimoa o le taamilosaga ma o nisi o i latou ia sa faailoa le tetee i le alii taalo ona o le mataupu na aofia ai i le tausaga talu ai sa le mafai ai ona auai ona o le lē faia o tuipuipui o le faamai, o se tulaga sa faamalosia i le taimi a o faia vavao.
