Ua valaau mai le matagaluega o le soifua maloloina i pasese na faimalaga mai i le vaa na sau mai Abu Dhabi, ma taunuu i Melepone ma faaauau mai ai i Niu Sila e faafesootai le matagaluega.
O le faigamalaga lea na taunuu i le aso 28 o Ianuari, ma o se talosaga vave ua faia ai nei ona o le masalomia o le ono aafia i le misela.
Ua faia ai i le mae’a sau o le faamaoniga mai le soifua maloloina a Ausetalia, e 36 le pasese o loo maualuga le lamatia e ono aafia ona o fesootaiga ma lē ua maua i le misela.
O lea ua fesootai le matagaluega o le soifua maloloina i Niu Sila i tagata sa malaga mai i le vaa ua suesueina, peitai ua toe maua mulimuli ane e iai foi isi tagata malaga na omai i isi vaa ma o lea ua sau ai ma le lapataiga.
O le tagata ua faamaonia i le misela o loo taofia i Ausetalia, ma o loo talanoa soifua maloloina i le va o atunuu e lua faatatau i le lava mataupu.
