Ua faatapulaa e le kamupani vaalele a le Fiji Airways le mamafa o faigamalaga a ana vaalele laiti ua ta’ua o ATR a o iai i le vaitau e tele ina afatia ai le Atu Pasefika i Saute.

O lea ua fai mai le Fiji Airways e le gata o le a faaitiitia le aofai o le pasese ae e ono aafia ai ma faigamalaga faapea ato a pasese ua uma ona totogi.

O suiga nei o le a aafia ai na o faigamalaga i totonu lava ia o le Pasefika lea e aofia ai faigamalaga i Tuvalu, Vanuatu faapea ai ma Tonga.

Ua taofia lē tumau ai nei foi ma ato faaopoopo a pasese.

I nisi o molimau i tala a le leitio a Niu Sila, ua faaalia ai le lē fiafia o pasese aafia ua leva ona tapena mai faigamalaga.