A o lagona ai le alolofa i tagata ua aafia ona o le afā o Gabrielle, ae e le o moe ai foi ma le augaoi.
Ua sau lapataiga mai le faletupe a le Westpac e mataala o loo iai foi le augaoi poo scammers o loo taumafai e faaaoga le avanoa e faasese ai tagata ae gaoia tupe faapea faamaumauga o teugatupe.
Ua fai mai ai le Westpac e aua le tatalaina imeli poo feau tusitusia o loo omai e faafoliga e aumai le faletupe.
O le fautuaga foi mo i latou o loo fia foai ma agalelei e ala i foai tupe mo tagata aafia ona o le afā, e faaaoga na o charities ma faalapotopotoga ua e mautinoa lelei.
