Ua sau lapataiga e tapena mo timuga mamafa, faititili faapea asiosio e ono tulai mai i le aso.
O Aukilani ma Northland lea e faapea o le a iloga ona tigaina ai ma o lea ua sau le lapataiga i le taeao nei e tapena mo taimi e ono lamatia ai mai lologa aemaise le saogalemu o le aiga i taimi o le a loulouā ai le tau.
O le itula e 2 i le aoauli o le aso faasolo atu i le itula e 10 ananei lea o loo sau i lapataiga a le ofisa o le vaaitau.
Ae i Aukilani lava ia na o ia, o lea ua lapatai tagata lautele ao loo galulue foi le National Emergency Management Agency ma le Civil Defence i taimi e ono moomia ai fale e sulufai iai tagata pe a moomia le fesoasoani.
