Search
Fiame Naomi Mataafa
Fiame Naomi Mataafa

Lagolago e le Palemia le manatu o Laauli e le tatau ona aafia sui a le Mālō Aufaatasi i upufai a Samoa

Ua faailoa se finagalo o le Tamaitai Palemia le afioaga Fiame Naomi Mataafa faatatau i le mataupu na tuuaia ai e le Taitai o le Ituagai se finagalo o le taitaifono o le FAST ia Laauli Leauatea Polataivao Schmidt faasaga lea i le tamaitai o loo faauluulu iai le Ofisa o Mālō Aufaatasi i Samoa. 

O se manatu na matuā tetee e Tuilaepa Lupesoliai Sailele Malielegaoi ma ia taua e le’i talafeagai le fai e Laauli o nei faamatalaga. O le finagalo na faaalia e Laauli e faapea sa lē tatau e lea sui o le Mālō Aufaatasi ona aafia i mataupu tau polokiki poo upufai a Samoa.

Peitai  Taua e Tuilaepa e tuu mataupu ia i le Minisita o le Va i Fafo o le tamaitai Palemia lea.

Taua e Fiame “O le mea muamua atonu e manino lava o le talanoaga a le susuga ia Laauli o lae talanoa faataitaifono o le vaega faaupufai ma ia te a’u a ia e tele foi itu e taua ai le faaaliga a le afioga i le taitaifono ma aafiaga na aafia ai ia vaega faaupufai poo upu fai a le Mālō i luga o nisi o gaioiga o lea faapea mai ia ua maitauina mai le sui lea o le Mālō Aufaatasi ma ia manino lena itu.

O le tulaga pei o lea sa iai se saunoaga a Laauli e faapea e fai ma ote lelei, e ese a le gaioiga a le tagata faigaluega ese le tulaga aloaia o le va o le Mālō o Samoa ma le Mālō Aufaatasi, e lē sese foi le faamatalaga a Laauli e faapea mai e toe iloilo le va o le Mālō ma le Mālō Aufaatasi  e o tutusa ma le isi foi a’u faamatalaga lea sa fai atu foi aemaise le fesiligia o le tatou va ma Saina lea na avatu ai la’u tali o matou o le Mālō fou o lea matou te tilotilo ma auiliili ia tatou va e fai o Mālō taitasi ae oo foi i Faalapotopotoga e pei o le Mālō Aufaatasi poo Faalapotopotoga faavaomalo.”

Taua foi e Fiame “Ia te a’u la ia e leai se afaina tele o le saunoaga a Laauli ma lae na saunoa Laauli i lona tulaga faataitaifono o le vaega faaupufai ma e lē alofia ni faamatalaga lea tou te silafia uma ma malamalama tatou atunuu fa masina o tulaga i se tulaga lē mautonu ma le vevesi le atunuu ona o gaioiga nei ma o lesi gaioiga tele lea na tupu ona o le sui faaopopo lea foi la na fai le saunoaga a Laauli ua fai iai le faaiuga a le faamasinoga ma ua ona talia ae o’u te iloa o le manatu autu poo le a le gaioiga a le tagata faigaluega a le Faalapotopotoga a le Mālō Aufaatasi e i isuisu ai i totonu o upufai a Mālō a Samoa e lē mea talafeagai lena i se tagata faigaluega a le Mālō au faatasi aemaise lava o upufai ma polokiki ma tulaga uma faapena.”

Faaalia foi e Fiame ua leva ona ia maitauina gaioiga a le sui lea a le Mālō Aufaatasi ua lē tasi ae ua tele, ma ua vaavaai nei i se tulaga aloaia e faaoo atu ai se manatu o le Mālō i le Mālō Aufaatasi i mea ia ua o matou maitauina ua tulai mai.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required