E moni ua tele ina lē toe faalogoina ni vavao poo sā o le faama’i ma ua tele foi tuipuipui mo le atunuu ae foliga e lē o alu ese lava le koviti ma e iai lipoti i le Aso Sa sa ta’ua ai o le vairusi o le koviti o le mafuaaga lona tolu lea o le maliliu o tagata i Ausetalia mo le tausaga faaletupe lava ia lea e faai’u mai ia Iulai o le tausaga nei.
Fai mai le au su’esu’e o le soifua mālōlōina e molimauina e na o le gasegase o le fatu ma le dementia isi gasegase ua maitauina ai le to’atele o soifua ua ma’umau ai e ese mai le Koviti-19.
O loo fautuaina pea le atunuu ina ia faaaogā tatau tuipuipui o loo avanoa mai e malupuipuia ai mai le koviti, o le tui mulimuli sa fautuaina o le tuipuipui faaopoopo poo le second booster lea e agavaa iai na o tagata matutua ma i latou e silia ma le ta’i 30 tausaga le matutua.
