Ua ta’ua i lipoti a le BBC i le vaiaso nei o le faigamalo a Korea i Saute na o latou faia ni gaioiga e oia ai aiātatau a tagata i le fia tausaga ua tuana’i e ala i se polokalame na ave ai tamaiti, a itiiti mai pe 170 afe faatasi ai ma pepe e vaetama iai tagata, adoption ma o faamatalaga ia ua maua i se su’esu’ega sa faia i lea mataupu.

Ua ta’ua ai o le vaivai o le silasila toto’a a le faigamalo i lea polokalame na mafai ai ona tupu ma ua maua ai foi ma faamaumauga o ni faamatalaga ua faasese ma toe tasui.

Talu mai le 1950 e matua’i to’atele tamaiti ua faataga e Korea i Saute le aveesea mai le atunuu ina ia vaetamaina e nisi mai isi atunuu aemaise lava atunuu i le itu i Sisifo.

Talu ai nei ua gaioi ai Korea i Saute e faamalosia a latou faiga faavae e faatatau i le vaetamaina o tamaiti ae o loo lagona pea faitioga ma mafatiaga o tagata i le tulaga sa faatino i tausaga ua te’a ma aafiaga o le vaetamaina o tamaiti i atunuu i fafo i le lē lelei o le tausiga.

Ua ta’ua e se tasi molimau o ia foi sa vaetamaina i lalo o lea polokalame, o mātua ia na vaetamaina nei tamaiti, e sili atu ona lelei le tausiga o le latou ta’ifau nai lo le faiga o nei tamaiti.

Puna o Faamatalaga: https://www.bbc.com/news/articles/cwyjryv1kpgo.amp