Ua feiloai le peresetene o Korea i Saute Lee Jae Myung ma le ta’ita’i o Saina, Xi Jingping e toe faatulaga sootaga i le va o atunuu e lua.
Ua lipotia e le BBC, o le faalua ai lea ona feiloa’i ia ta’ita’i talu mai Novema o le tausaga talu ai ina ua āsia e le ta’ita’i o Saina le atunuu o Korea i Saute. Mo ni nai vaiaso pei ona faailoa i le lipoti sa feagai ai Saina ma Iapani ma fe’ese’esea’iga e faatatau i le mau a Saina e uiga ia Taiwan.
Pei lava o Iapani, o Korea i Saute o se paaga foi a Amerika lea latou te lagolagoina Taiwan ma sapalaia ana au’upega.
Ua faailoa ua loo sauni Xi Jingping e faataunuu se sauniga o le feiloaiga ma Lee Myung i le Great Hall of the People i Beijing.
O loo iai le faamoemoe o le ta’ita’i o Korea i Saute e fia malaga foi i Iapani i le faaiuga o le masina e feiloai ma le Palemia o lea atunuu.
E tele mataupu o le a faatalanoaina i le feiloaiga a ta’ita’i e lua, e lē taumate e aofia ai ma le mataupu tau fefaataua’iga.
Puna o Faamatalaga: https://www.bbc.com/news/articles/c70lw9x581no
