E silia ma le 170 na maliliu i le vaalele na lavea i le aso ananafi i Korea i Saute ina ua tulaueleele, lipotia na o le to’alua na faasaoina.

O tala mai le CNN ua ta’ua ai e 181 le pasese ma le auvaa na i luga o le vaalele ma ua maliliu uma le 179.

O le isi to’alua o loo faasaoina o le aufaigaluega fai mai sa i le pito i tua o le vaalele.

Fai mai lipoti o le faigamalaga a le vaalele Jeju Air 7C 2216 mai Bangkok na ave ane ai le pasese e 175 ma le aufaigaluega e to’a 6, fai mai o le pasese uma e mai Korea i Saute se’i vaganā tagata e to’alua e mai Thailand.

O le aga’i ane e tulaueleele na tupu ai le faaletonu ma o loo faia pea su’esu’ega i le taimi nei pe aisea ua mafua ai le faaletonu.

Puna o Faamatalaga: https://edition.cnn.com/2024/12/28/asia/south-korea-plane-crash-intl-hnk/index.html